नेपाल शिक्षक संघको ३६ औँ स्थापना दिवसको अवसरमा नेपाल शिक्षक संघ पर्साले मानव सेवा आश्रममा फलफुल वितरण गरेको छ । वीरगंजस्थित आश्रममा आश्रित वृद्धवृद्धा आमाबाबुलाई फलफुल वितरण गरी स्थाना दिवस मनाईएको नेपाल शिक्षक संघ पर्साका सचिव सुरेन्द्र प्रसाद यादवले जानकारी गराउनुभयो ।
नेपाल शिक्षक संघ पर्साका अध्यक्ष प्रदिप कुमार जैसवालको अध्यक्षता र नेपाल शिक्षक संघका संघीय उपमहा सचिव तिर्थराज यादवको प्रखु आतिथ्यतामा सम्पन्न भएको फलफुल वितरण कार्यक्रममा नेपाल शिक्षक संघ मधेश प्रदेशका उपाध्यक्ष मोहनलाल प्रसाद कुर्मी , नेपाल ट्रेड युनियन कांग्रेस मधेश प्रदेशका सहसचिव अशोक कुमार साह , नेपाल शिक्षक संघ पटेर्वा सुगौलिका सहसचिव देवेन्द्र प्रसाद साह लगायतको सहभगिता रहेको थियो ।
स्थापना दिवसकै अवसरमा आज साँझ नेपाल शिक्षक संघ पर्साले वीरगंजको घण्टाघर चोकमा दिप प्रज्वलन गर्ने संघीय उपमहासचिव तिर्थराज यादवले जानकारी दिनुभयो ।
