राष्ट्रिय परिचयपत्र सम्बन्धी सेवा आंशिक रूपमा अवरुद्ध भएको छ। राष्ट्रिय परिचयपत्र तथा पञ्जिकरण विभागले सोमबार सूचना जारी गर्दै प्रणालीको नियमित मर्मत सम्भार तथा क्षमता विस्तारको काम भइरहेकाले सेवा अस्थायी रूपमा अवरुद्ध भएको जनाएको हो।
विभागका अनुसार मर्मत कार्य पूरा नभएसम्मका लागि केही सेवा बन्द गरिएको छ। प्रभावित सेवामा अनलाइनमार्फत विवरण सङ्कलन तथा कार्ड वितरण, विवरण सच्याउने सेवा, जन्मदर्ता गर्दा प्राप्त हुने राष्ट्रिय परिचय नम्बर, सामाजिक सुरक्षा भत्ता सम्बन्धी लाभग्राहीको नाम दर्ता तथा नवीकरण, र राष्ट्रिय परिचय व्यवस्थापन सूचना प्रणालीसँग आबद्ध अन्य सेवा प्रणाली समावेश छन्।
विभागले मर्मतपछि सेवा पुनः नियमित हुने जानकारी गराउँदै आम सर्वसाधारणलाई असहजको लागि क्षमायाचना गरेको छ।
