बारामा आइतबार राति भएको सवारी दुर्घटनामा एक मोटरसाइकल चालकको ज्यान गएको छ।
कलैया उपमहानगरपालिका–२३ सिसहनिया चौकमा कलैयाबाट वीरगन्जतर्फ जाँदै गरेको बा ५९ प ४०५३ नम्बरको मोटरसाइकल र विपरीत दिशाबाट आउँदै गरेको ना १ ज १९४१ नम्बरको टाटा सुमो एक आपसमा ठोक्किँदा मोटरसाइकल चालक उपेन्द्र राउत कुर्मीको मृत्यु भएको जिल्ला प्रहरी कार्यालय बाराले जनाएको छ।
दुर्घटनापछि आक्रोशित स्थानीयले बैराठपुर चौकमा टायर बाल्दै प्रदर्शन गरेका छन्। उनीहरूले दुर्घटनाका कारण सडक सुरक्षाप्रति प्रश्न उठाउँदै दोषीमाथि कडा कारबाहीको माग गरेका छन्।
प्रहरीले घटनाबारे थप अनुसन्धान जारी रहेको जनाएको छ।
