Aadarsh-Daily

गृहमन्त्री लेखकद्वारा वीरगन्जमा हैजा पीडितसँग भेटघाट

ad-4p

गृहमन्त्री रमेश लेखकले पर्सा जिल्लामा फैलिएको हैजा महामारीका बिरामीहरूसँग आज प्रत्यक्ष भेटघाट गरेका छन्।

content ad p2
content left

शनिबार साँझ वीरगन्ज पुगेका गृहमन्त्री लेखकले राति नारायणी अस्पतालको निरीक्षण गरेका थिए भने आज बिहान निजी अस्पतालहरूमा पुगेका हुन्। उनले वीरगन्ज हेल्थ केयर र तराई अस्पतालमा उपचाररत हैजा संक्रमित बिरामीहरूको स्वास्थ्य अवस्थाबारे जानकारी लिएका छन्।

भेटघाटका क्रममा गृहमन्त्री लेखकले सरकारले हैजा नियन्त्रणका लागि सबै उपायहरू अवलम्बन गर्ने प्रतिबद्धता व्यक्त गरे। उनीसँगै कानुन, न्याय तथा संसदीय मामिला मन्त्री अजयकुमार चौरसियाले पनि अस्पतालका बिरामीलाई भेटेका थिए।

जिल्ला जनस्वास्थ्य कार्यालयका अनुसार पर्सामा हालसम्म १५९ जनामा हैजा पुष्टि भएको छ। अधिकृत जयमोद ठाकुरका अनुसार, संक्रमितमध्ये ११२ जना निको भई घर फर्किसकेका छन् भने अहिले वीरगन्जका विभिन्न अस्पतालमा ४७ जना बिरामी उपचाररत छन्।

सम्बन्धित खबर

पोखरिया नगरपालिकामा तलबको सकस, महिनौँदेखि कर्मचारीको हात रित्तै

Aadarsh Daily

चक्रवातको प्रभावले भारी वर्षाको सम्भावना, पर्सामा उच्च सतर्कता अपनाउन प्रशासनको आग्रह

Aadarsh Daily

एनपीएलमा लुम्बिनीको धमाका, सुदूरपश्चिम ७ विकेटले पराजित

Aadarsh Daily