लायन्स क्लब बिरगंज सेन्ट्रल सिटी, लायन्स क्लब बिरगंज परिवार र लायन्स क्लब बिरगंज प्रभुको संयुक्त आयोजनामा बिरगंज महानगरपालिका–१५ मा हैजा रोगथाम र सरसफाइसम्बन्धी जनचेतना कार्यक्रम सम्पन्न भएको छ।
कार्यक्रममा हात धुने सही तरिका, सरसफाइका उपाय तथा झाडापखाला र हैजाबाट सुरक्षित रहनेबारे घर–घर पुगेर जानकारी गराइएको थियो।
कार्यक्रमको अध्यक्षता सेन्ट्रल सिटीकी अध्यक्ष लायन सुशिला साहले गर्नुभयो भने प्रमुख अतिथि वडा अध्यक्ष रमेश यादव रहनुभयो। परिवारका अध्यक्ष लायन नरोत्तम पाण्डेसहित विभिन्न लायन्स पदाधिकारीहरूको उपस्थिति रहेको थियो।
कार्यक्रमको सञ्चालन लायन कविता खड्काले गर्नुभएको थियो। औपचारिक सत्रपछि घर–घरमा पुगेर सचेतनामूलक गतिविधिहरू गरिएको आयोजकले जनाएको छ।
