‘जेन–जी’ आन्दोलनको अव्यवस्थाको मौकामा देशभरका कारागारबाट भागेका कैदीमध्ये ३ हजार ७ सय २३ जना पक्राउ परेका छन्। नेपाल प्रहरीका केन्द्रीय प्रवक्ता डिआइजी विनोद घिमिरेका अनुसार फरारमध्ये कतिपयलाई भारत भाग्न खोज्दा समातेर फिर्ता पठाइएको हो भने कतिपयलाई सेना, प्रहरी र सशस्त्र प्रहरीले पक्राउ गरेका छन्।
भागेका १० हजार ३ सय २० कैदीमध्ये अझै धेरैजना जेल बाहिर रहेको भन्दै सावधानी अपनाउन आग्रह गरिएको छ। यसैबीच, प्रहरी हिरासतबाट भागेका १ सय ३९ थुनुवा पनि पक्राउ परेका छन् भने अझै २ हजार १ सय थुनुवा फरार रहेको प्रहरीले जनाएको छ।
