Aadarsh-Daily

असोज १७–२० सम्म पर्सामा विशेष सतर्कता अपनाउन जिल्ला प्रशासनको आग्रह

ad-4p

जिल्ला प्रशासन कार्यालय पर्साले असोज १७ देखि २० गतेसम्मका दिनलाई उच्च सतर्कता अपनाउन सर्वसाधारणलाई अनुरोध गरेको छ। जल तथा मौसम विज्ञान विभागको पूर्वानुमानअनुसार आगामी चार दिनसम्म कोशी, मधेश, बागमती, गण्डकी र लुम्बिनी प्रदेशमा भारी वर्षा हुने सम्भावना देखिएपछि प्रशासनले आकस्मिक जोखिमप्रति सचेत गराएको हो।

content ad p2

जिल्ला प्रशासनले वर्षाका कारण बाढी, पहिरो, डुबान तथा नदी–नाला र खोल्सामा आकस्मिक बहाव हुन सक्ने भन्दै अनावश्यक लामो दूरीको यात्रा नगर्न र विशेषगरी रात्रीयात्रा टार्न आग्रह गरेको छ।

सूचनामा विशेषत:

content left
  • सडकमा अवरोध वा अवरोधका कारण सवारी साधन थुनिन सक्ने भएकाले सम्भावित दुर्घटनाबाट जोगिन पूर्वतयारी गर्न,
  • विपद्का बेला उद्धार, राहत तथा सुरक्षात्मक कार्य सहज बनाउन सुरक्षाकर्मी र सम्बन्धित निकाय तयार रहन,
  • सरकारी तथा गैरसरकारी निकाय, स्वास्थ्य संस्था, सञ्चार माध्यम, नेपाल रेडक्रस, स्थानीय तह र विपद् व्यवस्थापन समितिहरू तयारी अवस्थामा रहन,
  • नागरिकले सूचना तथा अपडेट पाउन ९११५५० टोल–फ्री नम्बर वा नजिकैको प्रहरी/सुरक्षा निकायलाई सम्पर्क गर्न सक्ने व्यवस्था गरिएको उल्लेख छ।

त्यस्तै, आपत्कालीन अवस्थामा एम्बुलेन्स, दमकल, उद्धार टोली लगायतका साधन तयारी अवस्थामा राख्न र यातायात व्यवस्थापन कार्यालयसँग समन्वय गर्न पनि निर्देशन दिइएको छ।

प्रशासनले दसैँमा हुने चहलपहललाई समेत ध्यानमा राख्दै यात्रा र उत्सव दुवैलाई सुरक्षित बनाउन सतर्कता अनिवार्य रहेको जनाएकाे छ।

सम्बन्धित खबर

पोखरिया नगरपालिकामा तलबको सकस, महिनौँदेखि कर्मचारीको हात रित्तै

Aadarsh Daily

चक्रवातको प्रभावले भारी वर्षाको सम्भावना, पर्सामा उच्च सतर्कता अपनाउन प्रशासनको आग्रह

Aadarsh Daily

एनपीएलमा लुम्बिनीको धमाका, सुदूरपश्चिम ७ विकेटले पराजित

Aadarsh Daily