मधेस प्रदेशका नवनियुक्त मुख्यमन्त्री जितेन्द्र सोनलले बिहीबार पद तथा गोपनीयताको शपथ लिएका छन् ।
प्रदेश प्रमुखको कार्यालयमा आयोजित औपचारिक समारोहमा प्रदेश प्रमुख सुमित्रा सुवेदी भण्डारीले मुख्यमन्त्री सोनललाई पद तथा गोपनीयताको शपथ ग्रहण गराएकी हुन् ।
लोकतान्त्रिक समाजवादी पार्टी (लोसपा)का नेता सोनल ६ दलका ५७ प्रदेश सांसदको समर्थनमा बुधबार साँझ मुख्यमन्त्रीमा नियुक्त भएका थिए ।
मुख्यमन्त्री सोनलसँगै जनमत पार्टीका महेश यादव र नेकपा एकीकृत समाजवादीका कनिश पटेलले विना विभागीय मन्त्रीको रूपमा शपथ लिएका छन् ।
शपथपछि मुख्यमन्त्री सोनलले प्रदेशको विकास, सुशासन र स्थायित्वलाई प्राथमिकता दिने प्रतिवद्धता जनाएका छन् ।
