हमासले फिर्ता गरेका दुई जना इजरायली बन्धकको शवको पहिचान भएको छ। फिर्ता गरिएका शव इजरायली नागरिक आर्येह जाल्मानोविच (८५) र मास्टर सार्जेन्ट तामिर अदार (३८) का रहेको इजरायल रक्षा बल (IDF) ले जनाएको छ।
आईडीएफका अनुसार जाल्मानोविचलाई गत वर्ष नोभेम्बर १७ मा किबुट्ज निर ओजस्थित आफ्नै घरबाट अपहरण गरी हत्या गरिएको थियो। अदार भने निर ओज सामुदायिक सुरक्षा टोलीका सदस्य थिए र २०२३ अक्टोबर ७ मा हमाससँगको भिडन्तमा ज्यान गुमाएका थिए।
यी शवहरू अमेरिकी मध्यस्थतामा भएको युद्धविराम सम्झौताअन्तर्गत फिर्ता गरिएका १५ शवमध्येका दुई हुन्। सम्झौताको पहिलो चरणमा २८ मृतक बन्धकहरू फिर्ता गरिने सहमति भएको थियो।
गाजामा जारी इजरायली आक्रमणका कारण ६८ हजारभन्दा बढी मानिसको ज्यान गइसकेको अन्तर्राष्ट्रिय समाचार एजेन्सीहरूले जनाएका छन्।
