बाराको बारागढी गाउँपालिका–६ का वडाध्यक्ष निरज साह तेलीको बिहीबार राति निधन भएको छ।
४६ वर्षीय तेलीको उपचारका क्रममा वीरगन्जस्थित नेशनल मेडिकल कलेजमा निधन भएको उनका काका तथा बारा उद्योग वाणिज्य संघका अध्यक्ष राजकुमार साहले जानकारी दिएका छन्।
तेली लामो समयदेखि क्यान्सर रोगबाट पीडित थिए।
दोस्रो कार्यकालका लागि उनी नेपाली कांग्रेसबाट निर्वाचित भएका थिए भने पहिलो कार्यकालमा जनता समाजवादी पार्टी (जसपा)बाट विजयी भएका थिए।
उनका दुई छोरी, एक छोरा र श्रीमती रहेका छन्।
