मधेस प्रदेशका मुख्यमन्त्री जितेन्द्र सोनलले आगामी कात्तिक २२ गते विश्वासको मत लिने भएका छन् ।
मुख्यमन्त्री सोनलले त्यसका लागि प्रदेशसभा सचिवालयमा पत्र बुझाएका हुन् ।
सोनल नेतृत्वको सरकारमा सहभागी दलका संसदीय दलका नेताहरूले संयुक्त रूपमा पत्र बुझाउँदै संविधानको धारा १६८ को उपधारा (४) बमोजिम विश्वासको मतका लागि आवश्यक वातावरण मिलाइदिन अनुरोध गरेका छन् ।
सोनललाई गत असोज २९ गते मधेस प्रदेशको मुख्यमन्त्रीमा नियुक्त गरिएको थियो ।
