बिहार विधानसभाको अन्तिम चरणको मतदान सकिएसँगै मधेससँग जोडिएका सीमा मंगलबार साँझदेखि खुल्न थालेका छन्।
जिल्ला प्रशासन कार्यालयहरूले जानकारी दिएका अनुसार मतदान सम्पन्न भएसँगै पर्सा सीमा राति ६ बजेबाट खोलिएको हो। सीमा खुलेसँगै नेपाल–भारत आवतजावतमा सहजता भएको छ।
मधेस प्रदेशसँग जोडिएका सीमा निर्वाचनलाई मध्यनजर गर्दै कार्तिक २२ गते साँझ ६ बजेबाट बन्द गरिएको थियो। मधेस प्रदेशका ८ वटै जिल्ला प्रशासन कार्यालयले सार्वजनिक सूचना जारी गर्दै सीमा बन्दको जानकारी गराएका थिए।
निर्वाचन सुरक्षा व्यवस्था सुनिश्चित गर्न सीमा अस्थायी रूपमा बन्द गरिएको थियो।
