नेपाली कांग्रेसका नेता दीपक खड्कालाई तत्काल थुनामुक्त नगर्न सर्वोच्च अदालतले आदेश दिएको छ।
न्यायाधीशद्वय तिलप्रसाद श्रेष्ठ र शान्तिसिंह थापाको इजलासले बन्दीप्रत्यक्षीकरण रिटमाथि सुनुवाइ गर्दै उनलाई हालको अवस्थामा यथास्थितिमा राख्न आदेश दिएको हो।
मुद्दाको थप सुनुवाइ वैशाख ३ गतेका लागि तोकिएको छ। खड्का चैत १५ गते पक्राउ परेका थिए। उनीमाथि जेनजी आन्दोलनका क्रममा घरमा भेटिएको रकम र सम्पत्ति शुद्धीकरणसम्बन्धी अनुसन्धान चलिरहेको छ।
