वीरगञ्ज, ८ कार्तिक । वीरगञ्ज महानगरपालिका वडा नम्बर ८ पानी टंकी सडक खण्डमा मोटरसाइकल दुर्घटना हुँदा १ जनाको मृत्यु भएको छ ।
ना ४६ प ३२९७ नं. को पल्सर मोटरसाइकल सोमबार मध्यराती सडकछेउमा रहेको बिजुलीको पोलमा ठोक्किँदा मोटरसाइकल चालक अनुप राईको मृत्यु भएको हो ।
सोलुखुम्बुको सल्यान गापाउँपालिका वडा नम्बर २ स्थायी घर भई वीरगञ्जमा बस्दै आएका १९ वर्षीय राई दुर्घटनामा घाइते भएपछि उपचारका लागि नेशनल मेडिकल कलेज (एनएमसी) अस्पतालमा लगिएको थियो । उपचारको क्रममा मंगलबार बिहान ४ बजे राईको मृत्यु भएको प्रहरीले जनाएको छ ।
