वीरगञ्ज । पर्साको विन्दवासिनीमा लागेको मेलामा बलुन (फुलौना) बेचिरहेका एक दलितमाथि प्रहरीले हातपात गरेको आरोप लागेको छ ।
बडादसैँको अवसरमा वीरगञ्ज महानगरपालिका – १९ विन्दवासिनीस्थित अस्थायी प्रहरी पोस्टका प्रमुख प्रहरी सहायक निरीक्षक (असई) नवलेश तिवारीले स्थानीय दलित युवकमाथि बुट प्रहार गरेको आरोप लागेको हो।
बाटोमा फुलौना बेचिरहेको अवस्थामा असई तिवारीले आफू बुट प्रहार गरी घाइते बनाएको अरुण रामको आरोप छ ।
रामलाई तिवारीले घाइते बनाएपछि स्थानीयहरूले त्यसको विरोधमा केही बेर प्रहरी पोस्ट घेराउ समेत गरेका थिए ।
यस विषयमा बुझ्न तिवारीसँग सम्पर्क गर्न खोज्दा उनको उनको फोन उठेन ।
यद्यपि स्थानीय रवि गुप्ताले भने राजनीतिक रिसीइबी साध्न स्थानीयहरूले विषयलाई बङ्ग्याएको आरोप लगाए । उनले असई तिवारीले कसैमाथि हातपात नगरेको दाबी गरे ।
