Aadarsh-Daily

नारायणी अस्पताल विकास समितिको अध्यक्षमा गुप्ता नियुक्त

ad-4p

वीरगञ्ज । वीरगञ्जस्थित नारायणी अस्पताल विकास समितिको अध्यक्षमा नेपाली काङ्ग्रेसका युवा नेता धिरजकुमार गुप्ता नियुक्त भएका छन् ।

content ad p2
content left

सङ्घ सरकार मातहत रहेको मधेस प्रदेशकै सबै भन्दा ठूलो नारायणी अस्पतालको विकास समितिको अध्यक्षमा गुप्ता नियुक्त भएका हुन् । गुप्ता वीरगञ्ज महानगरपालिका – २० का स्थायी बासी हुन् ।

यही कार्तिक १७ गतेको मन्त्रिस्तरीय निर्णयबाट नारायणी अस्पताल विकास समितिको अध्यक्षमा गुप्तालाई नियुक्त गरिएको स्वास्थ्य तथा जनसङ्ख्या मन्त्रालयको नीति अनुगमन तथा योजना महाशाखाले जनाएको छ । सङ्घ सरकारको स्वास्थ्य तथा जनसङ्ख्या मन्त्रीमा काङ्ग्रेसबाट निर्वाचित मोहनबहादुर बस्नेत छन् ।
मन्त्री बस्नेतले गुप्तालाई तीन वर्षका लागि अध्यक्षमा नियुक्त गरेका हुन् । नारायणी अस्पताल विकास समिति (गठन) आदेश २०७६ को दफा ३ को उपदफा (२) (क) मा भएको व्यवस्था बमोजिम अध्यक्ष पदमा गुप्तालाई तीन वर्ष पदावधि रहने गरी नियुक्त गरिएको मन्त्रालयले कार्तिक १९ गते जारी गरेको पत्रमा उल्लेख छ ।

सोमबारदेखि अस्पताल विकास समितिको अध्यक्षको कार्यभार सम्हाल्दै गुप्ताले आफ्नो कार्यकालमा नारायणी अस्पताललाई मधेस प्रदेशकै सुविधा सम्पन्न नमुना अस्पताल बनाउने प्रतिक्रिया दिए । गुप्ताले भने, ‘बिरामी र सेवाग्राहीलाई गुणस्तरीय सहज र सुलभ उपचार उपलब्ध गराउने मेरो पहिलो प्राथमिकता रहनेछ । यसका साथै अस्पतालमा विद्यमान विकृति र विसङ्गतिलाई शून्यमा झार्ने प्रयत्नमा अहिलेदेखि नै लाग्नेछु ।’

सम्बन्धित खबर

पोखरिया नगरपालिकामा तलबको सकस, महिनौँदेखि कर्मचारीको हात रित्तै

Aadarsh Daily

चक्रवातको प्रभावले भारी वर्षाको सम्भावना, पर्सामा उच्च सतर्कता अपनाउन प्रशासनको आग्रह

Aadarsh Daily

एनपीएलमा लुम्बिनीको धमाका, सुदूरपश्चिम ७ विकेटले पराजित

Aadarsh Daily