वीरगञ्ज । वीरगञ्जबाट प्रहरीले लागूऔषध खैरो हेरोइन र नाइट्रोभेट ट्याब्लेटसहित दुई जनालाई नियन्त्रणमा लिएको छ ।
प्रहरीले भारतको बिहार राज्य नकरादेहा बस्ने २७ वर्षीय भुलावन पटेल र बाराको कलैया उपमहानगरपालिका – ६ बस्ने ३१ वर्षीय सन्तोष महतोलाई खैरो हेरोइन र नाइट्रोभेट ट्याब्लेटसहित नियन्त्रणमा लिएको हो ।
वीरगञ्ज महानगरपालिका – १६ इनरुवामा शङ्कास्पद रूपले हिँडिरहेका पटेल र महतोलाई प्रहरीले रोकी चेकजाँच गर्दा उनीहरूको साथबाट ४९.५२० मिलिग्राम खैरो हेरोइन र ९ सय ट्याब्लेट नाईट्रोभेट बरामद भएको पर्सा प्रहरीका प्रवक्ता एवम् प्रहरी नायव उपरीक्षक (डिएसपी) कुमार विक्रम थापाले जानकारी दिए ।
पक्राउ परेकाहरूमाथि लागूऔषधसम्बन्धि मुद्दा दायर गरेर अनुसन्धान अगाडि बढाइएको डिएसपी थापाले बताए ।
