वीरगन्ज महानगरपालिका कार्यालयमा दैनिक ज्यालादारीमा काम गर्दै आएका कर्मचारीहरुको जागीर गएको छ।
सोमबार महानगरपालिकाले एक सुचना निकालेर दैनिक ज्यालादारीमा काम गर्दै आएका कर्मचारीहरुलाई असार १ गतेदेखि काममा नआउन निर्देशन दिएको छ।
प्रमुख प्रशासकीय अधिकृत बलराम ढकालले जारी गरेको सूचनामा महानगरपालिकाको नगरपालिकाको कार्यालय, महानगरका सबै वडा कार्यालय र स्वास्थ्य चौकी तथा स्वास्थ्य केन्द्रमा २०७८ बैशाख देखि नियुक्त भइ दैनिक ज्यालादारीमा कार्यरत रहदै आएका कर्मचारीहरुलाई अर्को सुचना नआउन्जेल सम्मका लागि आगामी असार १ गतेदेखि जागिरबाट हटाइएकाले काममा नआउन निर्देशन दिइएको उल्लेख छ।महानगरपालिकाको सोमबारको यो सुचनाले महानगरपालिकामा दैनिक ज्यालादारीमा कार्यरत सबै कर्मचारीको जागीर गएको हो
