पर्साको बिन्दबासिनी गाउँपालिकाका अध्यक्ष चढ्न खरिद गरिएको गाडी , अब पालिकाका वृद्धवृद्धा र अशक्तका लागि प्रयोग गरिने भएको छ ।
यसअघिका अध्यक्षको पालामा गाँउपालिकाले खरिद गरेको स्कार्पियो गाडी अहिलेका अध्यक्ष प्रमोद तिवारीले नचढ्ने र उक्त गाडी अब पालिकाका बृद्धबृद्धा र अशक्तहरुको यातायातका लागि प्रयोग गरिने भएको हो ।
प्रमुख प्रशासकीय अधिकृत राजु साहका अनुसार , गाँउकार्यपालिकाको पहिलो बैठकले नै पालिका अध्यक्षका लागि रहेको गाडी सामाजिक सुरक्षा भत्ता लिन बृद्धबृद्धा र अशक्तहरुलाइ घरबाट बैंक सम्म लैजान र बैंकबाट फेरि घर सम्म पुरयाउनका लागि प्रयोग गरिने निर्णय गरको हो ।पालिका अध्यक्ष तिवारी स्वंयले नै आफुले नीजी गाडी प्रयोग गर्ने र सरकारी गाडी बृद्धबृद्धा र अशक्तको यातयातका लागि प्रयोगमा ल्याउने प्रस्ताव गरेको साहले जानकारी दिए।
प्रमुख प्रशासकीय अधिकृतसाहका अनुसार बिन्दबासिनी गाँउपालिकामा अब सामाजिक सुरक्षा भत्ता लिन बैंकसम्म जानुपर्ने वृद्धवृद्धा र अशक्तलाई लक्षित गरी पालिकाले निःशुल्क यातायात सुविधा उपलब्ध गराउने भएको हो ।
यस्तै कार्यपालिका बैठकले पालिकाका कोहि पनि बिरामी उपचारका लागि वीरगन्जका कुनै पनि वा क्लिनीकमा जानु पर्दा पालिकाले इन्धन खर्च बापत ५ सय रुपैया मात्र शुल्क लिएर एम्बुलेन्स सेवा उपलब्ध गराउने निर्णय पनि गरेको साहले जानकारी गराए ।
