नेकपा एमालेका केन्द्रिय सदस्य एवं संबिधान सभाका सदस्य राजकुमार गुप्ताले आज कुस्ती मेलाको उद्घाटन गर्नुभएको छ । नेता गुप्ताले बिजय दशमीको अवसरमा सखुवा प्रसौनी गाँउपालिकाको महुवनमा लाग्ने प्रसिद्ध कुस्ती मेलाको उद्घाटन गरेका हुन । गाँउपालिकाका अध्यक्ष एवं एमालेका युवा नेता यशवन्त यादवको अध्यक्षतामा कार्यक्रम सम्पन्न भएको थियो । कुस्ती मेलामा नेपाल र भारतका नामी पहलवानहरुको सहभागिता रहेको अध्यक्ष यादवले जानकारी दिए । मेला उद्घाटन गर्दै प्रमुख अतिथी गुप्ताले कुस्ती खेल मधेशको पहिचान भएकोले यसको संरक्षण गर्न सरकारको दायित्व भएको बताए । उहाँले कुस्ती खेललाई संरक्षण गर्न गाँउ गाँउमा यस्ता प्रतियोगिताहरु संचाल्न गर्नुपर्ने धारणा राखे । कार्यक्रममा एमाले नेता शिव पटेल, प्रदेश सभा सदस्य मन्जुर अंसारी,पालिका कमिटी अध्यक्ष बासुदेव महतो थारु,महुवनका वडा अध्यक्ष अशेसर प्रसाद यादव,समाजसेवी सुरेश कुशवाहा,अनिल साह लगायतको उपस्थिती रहेको थियो । खेलको उद्घाटन प्रमुख अतिथी गुप्ताले पहलवानहरु बिच हात मिलाई गराएका थिए ।
