वीरगञ्ज २१ असोज । नेकपा एमालेका नेता एवं पूर्वमन्त्री महेश बस्नेतले जनता समाजवादी पार्टी (जसपा) सँग सहकार्यका लागि समझदारीपत्रमा आज हस्ताक्षर हुने दाबी गरेका छन् ।
“जसपासँग धेरै अगाडिदेखि छलफल भइरहेको थियो । लगभग सहमति नजिक पुगेको छ । आज हस्ताक्षर हुने गरी मस्यौदा तयार भएको छ,” नेपाली रेडियो नेटवर्कको कार्यक्रममा बस्नेतले भने । जसपासँगको सहकार्यबाट मधेस प्रदेशमा केपी शर्मा ओली निषेध गर्ने प्रयास असफल हुने पनि उनको दाबी छ ।
बस्नेतले भने, “अहिले म ठ्याक्कै सिट भन्ने अवस्थामा छैन । तर २० देखि २५ सिटको हाराहारीमा छलफल भइरहेको छ ।
मधेसका १-२ सिटमा मित्रवत् प्रतिस्पर्धा हुन सक्छ ।” लोकतान्त्रिक समाजवादी पार्टी र राष्ट्रिय प्रजातन्त्र पार्टीसँग सहकार्यभन्दा पनि व्यक्ति व्ववस्थापन हुने गरी सहकार्य हुने पनि उनले औंल्याए ।
