वीरगन्ज । पर्सा जिल्लाको निर्वाचन क्षेत्र नं ३ मा नेकपा एमाले प्रवेश गर्नेहरुको लहर चलेको छ । देशको बिकाश , समृद्धि र देशको सच्चा पहरेदार नेकपा एमाले भएको भन्दै दैनिक पाँच सय जनाले विभिन्न पार्टी परित्याग गरी नेकपा एमालेमा प्रवेश गरिरहेका छन् ।
आज बहुदरमाईको नगरपालिकाको वडा नं ७ मा आयोजित अगुवा तथा कार्यकर्ता भेला बैठकमा नेपाली कांग्रेसका नेता सुरेश साह र नेकपा माओवादी केन्द्रका कमलेश साहसहित दुई सय जनाले नेपाली कांग्रेस र नेकपा माओवादी केन्द्र पार्टी परित्याग गरी नेकपा एमालेमा प्रवेश गरेका छन् ।
त्यस्तै कार्यकर्ता भेटघाटको क्रममा पर्साको सखुवा प्रसौनी गाउँपालिकामा नेकपा एकीकृत समाजवादी पार्टी परित्याग गरी दुई सय जनाले नेकपा एमालेमा प्रवेश गरेका छन् । नेकपा एकीकृत समाजवादी पार्टी पर्सा जिल्ला कमिटी सदस्य एवं सखुवा प्रसौनी गाउँपालिका अध्यक्ष प्रत्यासी हरीन्द्र दास चौधरी लगायत दुई सय जनाले एमालेमा प्रवेश गरेका छन् ।
नवप्रबेशीहरुलाई नेकपा एमाले केन्द्रीय सदस्य एवं पर्सा जिल्ला क्षेत्र नं ३ का प्रतिनिधि सभा सदस्य उम्मेदवार राजकुमार गुप्ताले खाँदा र अबीर लगाई पार्टीमा स्वागत गर्नु भएको थियो ।
उक्त कार्यक्रममा प्रदेश सभा सदस्य उम्मेदवार मंजूर अंसारी , समानुपातिक उम्मेदवार तेजप्रकाश निषाद , नेकपा एमालेका नेता शिव पटेल , संजिव मिश्रा , मोहमद निजाम , मन्तुरा देवी , रवि गुप्ता , कृष्ण कुशवाहा लगायतको उपस्थिति रहेको थियो।
