वीरगञ्ज १७ मंसिर । जन्ती लिएर हिडेको एउट जिप धनुषामा दुर्घटना हुँदा ५ जनाको घटनास्थलमा मृत्यु भएको छ ।
इटहरीबाट जन्ती बोकर महोत्तरीको पिपरा तर्फ र्फकदै गरेको बा १ ज ८२९३ नम्बरको जीप पूर्वपश्चिम राजमार्गअन्तर्गत धनुषाको बिरेन्द्र बजारमा दुर्घटना भएको थियो ।
दुर्घटनामा ५ जनाको मृत्यु भएको र ९ जना घाइते भएको जिल्ला प्रहरी कार्यालय धनुषाका प्रहरी उपरिक्षक बसन्त रजौरेले जानकारी दिएका छन् ।
महोत्तरीको पिपरा गाउँपालिका गमहरियाका जन्ती इटहरीबाट फर्किँदै गर्दा आज बिहान साढे ४ बजे जिप दुर्घटनामा परेको प्रहरीले जनाएको छ ।
उक्त घटनामा तीन महिला, एक बालक र एक पुरुषको मृत्यु भएको छ । जसमा दुईजनाको सनाखत भएको र अन्यको सनाखत हुन बाकी रहेको प्रहरी उपरिक्षक रजौरेले बताए । घटनामा महोत्तरी पिपरा गाउँपालिकाका ११ वर्षीय बालक एस कुमार र धनुषाको मुखियापट्टी मुसहरनिया तुल्सीयाहीका ३५ वर्षीया रुवीकुमारी साहको सनाखत भएको छ ।
