वीरगञ्ज, २४ पुष । मुस्लिम आयोगले मुस्लिमलाई मधेशी कोटामा नै आरक्षणलाई निरन्तरता दिन गृहमन्त्रालयलाई पत्र पठाएको छ ।
मुस्लिम समुदाय मधेशी क्लस्टरमा नरहेको भन्दै आयोगले मधेशी कोटामा नै आरक्षणमा राख्न गृहलाई पत्र काटेको हो ।
आयोगले गृहलाई पत्र पठाएपछि चौतर्फी आलोचना भइरहेको छ ।
आयोगले मधेशमा रहेका जातजातिको क्लस्टर तयार गरी त्यसको प्रतिवेदनसमेत बुझाएको थियो ।
आयोगले मुस्लिमहरु मधेशी होइनन्, उनीहरुको छुट्टै क्लस्टर र पहिचान रहेको भन्दै विरोध भएको थियो ।
मुस्लिम आयोगका अध्यक्ष समिम मियाँ अन्सारी तथा त्यसका सदस्यहरुले पनि सो निर्णयको विरोध गरेका थिए । थारु आयोगले पनि विरोध जनाएको थियो । चौतर्फि विरोध हुन थालेपछि मधेशी आयोगले मुस्लिम तथा थारुलाई मधेसी समुदायको क्लस्टरबाट हटाएको थियो ।
