वीरगञ्ज, १६ माघ । नेपाल पिछडा वर्ग (ओबिसी) महासंघले संगठन बिस्तारलाई निरन्तरता दिएको छ ।
केही दिनअघि मात्रै देवनाथ महतोको अध्यक्षतामा ओबिसी महासंघ पर्साको कार्य समिति गठन भएलगत्तै आज फेरी २ वटा स्थानीय तहमा समिति बिस्तार गरिएको छ । सोमवार ओबिसी महासंघको वीरगञ्ज महानगर समिति र बहुदरमाई नगर समिति गठन गरिएको छ ।
वीरगञ्ज महानगर समितिका राजा साह तेलीलाई अध्यक्षको जिम्मेवारी दिइएको छ । त्यस्तै सौरभ कुमार सिंहलाई बहुदरमाई नगर समितिको अध्यक्ष चयन गरिएको पर्सा जिल्ला अध्यक्ष महतोले जानकारी दिए । महतोका अनुसार अरु पदाधिकारीसँगै सदस्यहरु अध्यक्ष आफैले चयन गर्नेछन् ।
समाजसेवी अभिमन्यु पटेल, पर्सा जिल्ला अध्यक्ष महतो लगायतको उपस्थितीमा दुई वटा स्थानीय तहको अध्यक्ष चयन गरिएको हो ।
