वीरगञ्ज, २१ फागुन । बारामा सवारी दुर्घटनाबाट एक जनाको मृत्यु भएको छ । निजगढ नगरपालिका वडा नम्बर ८ बुद्ध चोकमा सवारी दुर्घटना हुँदा स्थानीय ५० वर्षीय मजिद मियाँको मृत्यु भएको हो ।
वीरगञ्जबाट बिराटनगरतर्फ जाादै गरेको को १ ख ५७०० नम्बरको बस ब्याक गर्ने क्रममा ठक्कर दिँदा मियाँ गम्भिर घाइते भएका थिए । तत्काल निजगढस्थित सि.टी. अस्पतालमा उपचारका लागि लगिएको थियो ।
सामान्य प्राथमिक उपचारपछि वीरगञ्ज हेल्थ केयरमा ल्याइएको रिफर गरिएको थियो । वीरगञ्ज हेल्थ केयरमा आउने बित्तिकै चिकित्सकले मृत घोषणा गरेको बारा प्रहरीले जनाएको छ ।
बाराका प्रमुख प्रहरी उपरीक्षक होबिन्द्र बोगटीका अनुसार बस चालक सिरहाको सुखिपुर नगरपालिका वडा नम्बर ८ निवासी ४२ वर्षीइ ललन कुमार दास र बसलाई ईलाका प्रहरी कार्यालय निजगढले नियन्त्रण्मा लिएको छ ।
