वीरगञ्ज । पर्साको ठोरी गाउँपालिका वडा नम्बर ४ मालीबस्तीबाट सशस्त्र प्रहरीले १० किलो लागुऔषध गाँजा बरामद गरेको छ ।
सशस्त्र प्रहरी बल प्रस्तावित सिमा सुरक्षा गुल्म सुवर्णपुरबाट सशस्त्र प्रहरी नायब उपरीक्षक रामबहादुर बोगटीको नेतृत्वमा खटिएको गस्ती टोलीले गाँजा उक्त गाँजा बरामद गरेको हो ।
मालीबस्तीदेखि दशगजा हुदै भारततर्फ गईरहेका पैदल व्यक्तिले प्रहरीलाई देख्ने बित्तिकै गाँजा छाडेर भागेको सशस्त्र प्राहरी नायब उपरिक्षक बोगटीले बताए ।
बरामद गाँजा आवश्यक कारवाहीका लागि ईलाका प्रहरी कार्यालय ठोरीमा पठाइएको सशस्त्र प्रहरीले जनाएको छ ।
