मस्को — रुसको ब्रायान्स्क क्षेत्रमा यात्रुबाहक रेल दुर्घटना हुँदा कम्तीमा सात जनाको मृत्यु भएको छ भने ३० जना घाइते भएका छन्।
ब्रायान्स्क युक्रेनसँग सीमा जोडिएको क्षेत्र हो। क्लिमोभबाट मस्कोतर्फ गइरहेको रेल भायगोनिची गाउँ नजिकै रेल पुल भत्किएर लिकबाट बाहिरिएपछि दुर्घटना भएको अन्तर्राष्ट्रिय सञ्चारमाध्यमहरूले जनाएका छन्।
दुर्घटनामा रेल चालकको पनि ज्यान गएको छ। घाइतेहरूको उद्धार भइरहेको छ भने भायगोनिचीको एक विद्यालयमा आपतकालीन आवासको व्यवस्था गरिएको छ।
दुर्घटनाको कारणबारे अनुसन्धान भइरहेको जनाइएको छ।
