बारामा मोटरसाइकल चोरीमा संलग्न गिरोहको पर्दाफास भएको छ । इलाका प्रहरी कार्यालय कोल्हवीबाट खटिएको टोलीले चोरीमा संलग्न ३ जनालाई पक्राउ गर्दै ५ वटा मोटरसाइकल बरामद गरेको छ ।
बरामद मोटरसाइकलहरूमा होण्डाको शाइन, टीभीएस कम्पनीको कालो आरटीआर २००, बजाज पल्सर २२०, र टीभीएसकै दुई वटा स्ट्राइकर मोटरसाइकलहरू रहेका छन् ।
पक्राउ पर्नेहरूमा कोल्हवी नगरपालिका–१ का १९ वर्षीय राहुल बिक, २२ वर्षीय अर्जुन चौधरी र २३ वर्षीय मुकुन्द चौधरी छन् ।
उनीहरूलाई नियन्त्रणमा लिई थप अनुसन्धान भइरहेको र जिल्ला अदालतबाट म्याद थप गरी कारबाही प्रक्रिया अघि बढाइएको प्रहरीले जनाएको छ ।
