Aadarsh-Daily

वीरगञ्जमा हैजा नियन्त्रणका लागि जिल्ला स्वास्थ्य संकट व्यवस्थापन समितिको विशेष निर्णय

ad-4p

वीरगञ्ज महानगर क्षेत्रमा फैलिएको हैजाको प्रकोप नियन्त्रणका लागि जिल्ला स्वास्थ्य संकट व्यवस्थापन समितिले जिल्लाभरका अस्पतालहरूलाई झाडापखालाका बिरामीलाई पहिलो प्राथमिकतामा राखी उपचार गर्ने निर्देशन दिएको छ ।

content ad p2

शनिबार निमित्त प्रमुख जिल्ला अधिकारी तथा समितिका संयोजक सुमनकुमार कार्कीको अध्यक्षतामा बसेको बैठकले हैजासम्बन्धी जोखिम बढेकाले समयमै उपचार सुनिश्चित गर्न सबै अस्पताललाई पूर्ण तयारी अवस्थामा रहन आग्रह गरेको हो ।

content left

बैठकले हैजा र झाडापखाला रोकथामका लागि घरदैलो जनचेतनामूलक अभियान सुरु गर्ने, संक्रमण बढे उपचारका लागि पर्याप्त डेडिकेटेड शैया छुट्याउने तथा थप जनशक्ति परिचालन गर्ने निर्णय पनि गरेको छ ।

यस्तै, स्वास्थ्य कार्यालय पर्साले आवश्यक औषधि तथा परीक्षण किट उपलब्ध गराउने, सरसफाइ प्रवर्द्धनका लागि स्वास्थ्यकर्मी, स्वयंसेविका र सरोकारवाला समूहहरूको प्रभावकारी परिचालन गर्न वीरगञ्ज महानगरपालिकालाई अनुरोध गर्ने निर्णय बैठकले गरेको छ ।

हैजा नियन्त्रणका लागि सुरक्षा निकाय, स्थानीय तह, राजनीतिक दल, संघसंस्था, रेडक्रस, गैरसरकारी संस्था, सञ्चारकर्मी र दातृ निकायसँग सहकार्य गरी सामग्री व्यवस्थापन र सचेतना अभियान सघन बनाइने समितिले जनाएको छ ।

समितिको अर्को बैठक आइतबार दिउँसो ३ बजे जिल्ला प्रशासन कार्यालय, पर्सामा बस्ने तय गरिएको छ ।

सम्बन्धित खबर

पोखरिया नगरपालिकामा तलबको सकस, महिनौँदेखि कर्मचारीको हात रित्तै

Aadarsh Daily

एनपीएलमा लुम्बिनीको धमाका, सुदूरपश्चिम ७ विकेटले पराजित

Aadarsh Daily

एनपीएलको तेस्रो संस्करण आजदेखि, उपाधिका लागि आठ टोली मैदानमा उत्रिँदै

Aadarsh Daily