नेपाल सरकारका कानुन, न्याय तथा संसदीय मामिला मन्त्री अजयकुमार चौरसिया वीरगञ्ज आइपुगेका छन् । उनले नारायणी अस्पताल, हेल्थ केयर र तराई अस्पतालमा भर्ना हैजाका बिरामीहरूको स्वास्थ्य अवस्था अवलोकन गरेका छन् ।
मन्त्री चौरसियाले अस्पताल निरीक्षणका क्रममा डाक्टरसँग उपचार प्रक्रियाबारे जानकारी लिएका साथै बिरामी र उनका परिवारसँग प्रत्यक्ष कुराकानी गरेका थिए । उनले संक्रमितलाई शीघ्र स्वास्थ्य लाभको शुभकामना व्यक्त गर्दै आवश्यक उपचारमा कुनै कमी–कसर हुन नदिने प्रतिबद्धता जनाए ।
वीरगञ्ज क्षेत्रमा पछिल्ला दिनमा हैजाको प्रकोप तीव्र बनेपछि संघीय मन्त्री स्वयं संक्रमितको अवस्था बुझ्न अस्पताल पुगेका हुन् ।
