एशिया कप टी–२० क्रिकेटमा आज बङ्गलादेश र अफगानिस्तान भिड्दैछन् । खेल दुबईमा नेपाली समयअनुसार राति सवा आठ बजे सुरु हुनेछ ।
समूह ‘बी’ अन्तर्गत हुने यो खेल निर्णायक मानिएको छ । हङकङलाई सहजै पराजित गरिसकेको बङ्गलादेशलाई सेमीफाइनल सम्भावना कायम राख्न अफगानिस्तानलाई हराउनैपर्ने दबाब छ ।
आठ टोली सहभागी प्रतियोगिताको समूह ‘ए’ मा भारत, पाकिस्तान, यूएई र ओमान छन् भने समूह ‘बी’ मा अफगानिस्तान, हङकङ, बङ्गलादेश र श्रीलङ्का रहेका छन् ।
एशिया कपको फाइनल खेल आउँदो सेप्टेम्बर २८ अर्थात् असोज १२ गते दुबईमै खेलिनेछ ।
