बहुदरमाई, मिति २०८२ असोज २२ गते।
बहुदरमाई नगरपालिकामा नयाँ प्रमुख प्रशासकीय अधिकृतको रूपमा श्री सागर साह आज पदस्थापन हुनुभएको छ। नगरपालिकाका नगरप्रमुख श्री सिंगासन साह तेली ज्यूको अध्यक्षतामा आयोजित कार्यक्रममा वडा अध्यक्षहरू तथा नगरपालिकाका सम्पूर्ण कर्मचारीहरूको उपस्थितिमा उहाँलाई औपचारिक रूपमा हाजिरी गराई स्वागत गरिएको हो।
नगरप्रमुख साहले नव–आएका प्रमुख प्रशासकीय अधिकृतलाई स्वागत गर्दै सफल कार्यकालको शुभकामना व्यक्त गर्नुभयो। उहाँले नगरको समृद्धि र प्रशासनिक सुशासनमा सागर साहको अनुभवले सकारात्मक योगदान पुर्याउने विश्वास व्यक्त गर्नुभयो।
कार्यक्रममा उपस्थित कर्मचारी तथा जनप्रतिनिधिहरूले पनि नव–आएका अधिकृतलाई बधाई ज्ञापन गर्दै सहकार्य र सफल कार्यकालको शुभकामना व्यक्त गरेका थिए।
