बाराको सिम्रौनगढ नगरपालिका–६ मा छठ पूजाका लागि माटो खन्ने क्रममा माटोको ढिस्को खस्दा दुःखद घटना भएको छ। यस दुर्घटनामा दुई व्यक्तिको मृत्यु भएको छ भने छ जना घाइते भएका छन्।
मृत्यु हुनेहरुमा सिम्रौनगढ–६, सानो इटवाली निवासी ७० वर्षीय शारदादेवी महतो र १५ वर्षीय सुनिल महतो रहेका छन्। उद्धार गर्ने क्रममा उनलाई अस्पताल पुर्याउँदा बाटोमै मृत घोषणा गरिएको थियो।
घाइतेहरूको नामहरूमा १४ वर्षीय साजन महतो, १५ वर्षीय नितेश महतो, १८ वर्षीय गौतम मुखिया, १४ वर्षीय रानीकुमारी महतो, १४ वर्षीय सुशीला कुमारी महतो र १५ वर्षीय राजाबाबु शर्मा रहेका छन्। तीमध्ये सबैको उपचार जारी छ र अवस्था सामान्य रहेको प्रहरीले जनाएको छ।
प्रहरी, स्थानीय र सशस्त्र प्रहरीको संयुक्त प्रयासमा घटनास्थलबाट घाइतेहरूलाई उद्धार गरिएको हो।
