पर्साको सखुवा प्रसौनी गाउँपालिकास्थित श्री नेपाल राष्ट्रिय माध्यमिक विद्यालयमा आज निशुल्क आँखा शिविर सम्पन्न भएको छ।
उक्त शिविर स्थानीय समाजसेवी चन्दन सहनीको सहयोगमा आयोजना गरिएको हो।
शिविरमा ४७० जना विद्यार्थीको आँखा परीक्षण गरिएको र तीमध्ये १८ जनामा विभिन्न प्रकारका आँखासम्बन्धी समस्या फेला परेको समाजसेवी सहनीले जानकारी दिएका छन्।
शिविर वीरगन्जस्थित किरण आँखा अस्पतालको प्राविधिक सहयोगमा सम्पन्न भएको हो।
सहनीले बालबालिकाको दृष्टि संरक्षणलाई लक्षित गर्दै यस प्रकारका स्वास्थ्य सेवा कार्यक्रम निरन्तर सञ्चालन गर्ने प्रतिबद्धता जनाएका छन्।
