तान्जानियामा पछिल्ला अशान्तिका बीच सम्पन्न राष्ट्रपतीय चुनावमा सामिया सुलुहु हसन विजयी भएकी छन्।
तान्जानियाको निर्वाचन आयोगका अनुसार, सामियाले कुल ९७ दशमलव ६६ प्रतिशत मत प्राप्त गरेकी छन्। एएफपीका अनुसार देशभर तीन करोड ७६ लाख मतदातामध्ये ८७ प्रतिशत अर्थात् झण्डै तीन करोड २० लाखले मतदान गरेका थिए।
यीमध्ये करिब तीन करोड १९ लाख मत सामियाको पक्षमा परेको आयोगले जनाएको छ।
चुनाव परिणाम सार्वजनिक भएपछि अन्तर्राष्ट्रिय पर्यवेक्षकहरूले निर्वाचनको पारदर्शिता र देशभर बढ्दै गएको हिंसाप्रति चिन्ता व्यक्त गरेका छन्।
