वीरगन्ज । पर्साको पोखरिया नगरपालिका–१ बनकटवा टोलमा रहेका एक क्यान्सर पीडित बिरामीलाई खाद्यान्न सामग्री तथा कम्बल सहयोग गरिएको छ।
उपकार सेवा नेपाल र लायन्स क्लब को संयुक्त पहलमा उक्त सहयोग प्रदान गरिएको हो।
उपकार सेवा नेपालकी अध्यक्ष विद्या कुमारी सरावगी, लायन्स क्लब अफ पोखरियाका अध्यक्ष नेजामुद्दीन शमानी, लायन्स क्लब अफ वीरगन्ज ह्युमिनिटीका अध्यक्ष अमर कान्त झा तथा सचिव ललन तिवारी लगायतको टोलीले मंगलबार बिरामीको घरमै पुगेर राहत सामग्री हस्तान्तरण गरेका हुन्।
टोलीले दाल, चामल, आलु, खानेतेल, नुन, हर्लिक्स, बिस्कुट लगायतका खाद्यान्न सामग्रीसहित कम्बल प्रदान गरेको जनाएको छ।
आर्थिक रूपमा अत्यन्तै विपन्न अवस्थामा रहेका ती बिरामीको परिवारलाई दैनिक गुजारा चलाउन समेत कठिन भएको जानकारी पाएपछि मानवीय सेवाभावका साथ सहयोग गरिएको लायन्स क्लब अफ पोखरियाका अध्यक्ष शमानीले बताए।
