काठमाडौं । नेपाली कांग्रेस को केन्द्रीय अनुशासन समितिको बैठक आज बस्दैछ। पार्टीभित्र पूर्वसभापति शेरबहादुर देउवा र शेखर कोइराला समूहले समानान्तर गतिविधि अघि बढाएपछि अनुशासन समितिको बैठक बोलाइएको हो।
बैठक दिउँसो १ बजे सानेपास्थित केन्द्रीय कार्यालयमा बस्ने कार्यवाहक मुख्यसचिव कृष्णप्रसाद दुलालले जानकारी दिएका छन्। पछिल्लो समय कांग्रेसभित्र विकसित घटनाक्रमलाई लिएर पार्टी नेतृत्व गम्भीर बनेको बताइएको छ।
गत शनिबार कांग्रेस नेता तथा पूर्वगृहमन्त्री रमेश लेखक पक्राउ परेपछि पूर्णबहादुर खड्का ले कार्यवाहक सभापतिको रूपमा विज्ञप्ति जारी गरेका थिए। तर, विशेष महाधिवेशनबाट सभापति बनेका गगन थापा लाई निर्वाचन आयोग ले मान्यता दिइसकेको अवस्थामा खड्काको कदमप्रति पार्टी असन्तुष्ट बनेको हो।
यसैबीच खड्काले चैत १९ गते जिल्ला सभापतिको भेला बोलाएका छन् भने मंगलबार १४ औं महाधिवेशनबाट निर्वाचित केन्द्रीय कार्यसमितिको बैठकसमेत आयोजना गरेका थिए, जहाँ शशांक कोइराला लगायत नेताहरू सहभागी थिए।
यिनै विषयलाई लिएर आजको अनुशासन समिति बैठकमा गम्भीर छलफल हुने एक नेताले जानकारी दिएका छन्।
