गण्डकी प्रदेश मन्त्रिपरिषद् पुनर्गठनमा मन्त्री पद नपाएपछि नेपाली कांग्रेसका प्रदेशसभा सदस्य द्रोर्णकुमार कुँवरले पदबाट राजीनामा दिएका छन्।
बागलुङ क्षेत्र नम्बर २ (२) बाट निर्वाचित कुँवरले सभामुखलाई सम्बोधन गर्दै राजीनामा बुझाएका हुन्, जुन वैशाख २ गतेदेखि लागू हुने उल्लेख छ।
उनले मतदाता र समर्थकप्रति आभार व्यक्त गर्दै अपेक्षा अनुसार काम गर्न नसकेको भन्दै क्षमा मागेका छन्। साथै, औपचारिक पदमा नरहे पनि जनताको सेवामा निरन्तर रहने बताएका छन्।
