पर्सा । बहुदरमाई नगरपालिका वडा नं. ८ मा राष्ट्रिय स्वतन्त्र पार्टी (रास्वपा) को प्रथम वडा भेला सम्पन्न भएको छ ।
उक्त भेलाबाट वडा कमिटी गठन गरिएको छ । भेलाले ओम पाण्डेलाई सर्वसम्मत रूपमा वडा सभापतिमा चयन गरेको छ ।
स्थानीय स्तरमा पार्टी संगठनलाई मजबुत बनाउने उद्देश्यले आयोजना गरिएको भेलामा विभिन्न नेता तथा कार्यकर्ताहरूको सहभागिता रहेको थियो । सहभागीहरूले पार्टीको विस्तार, संगठन सुदृढीकरण र आगामी गतिविधिहरूलाई प्रभावकारी बनाउने विषयमा छलफल गरेका थिए ।
नवनिर्वाचित सभापति पाण्डेले संगठनलाई सक्रिय र जनमुखी बनाउने प्रतिबद्धता व्यक्त गरेका छन् ।
