वीरगन्ज । १७ औं संस्करणको इन्डियन प्रिमियर लिग (आईपीएल) क्रिकेट को उपाधीका लागि फाइनलमा आज आइतबार सनराइजर्स हैदराबाद र कोलकाता नाइटराइडर्स भिड्दै छन् । उपाधीका लागि दुई टोलीबीचको फाइनल खेल चेन्नईमा रहेको एमए चिदम्बरम क्रिकेट स्टेडियममा नेपाली समय अनुसार बेलुकी पौने ८ बजेदेखि सुरु हुनेछ ।
समूह चरणको पहिलो र दोस्रो स्थानमा रहेका दुवै टोलीको यो भेट यस संस्करणको तेस्रो भेट हो । समूह चरणको भेटमा कोलकाता हैदराबादसंग चार रनले विकेटले पराजित गरेको थियो । पहिलो क्वालिफायरमा हैदराबादलाई नै पराजित गरेर कोलकाताले फाइनलमा स्थान बनाएको थियो । पहिलो क्वालिफायरमा हैदराबाद ८ विकेटले पराजित भएको थियो ।
दोस्रो क्वालिफायरमा राजस्थान रोयल्सलाई ३६ रनले पराजित गरेर हैदराबादले फाइनल यात्रा तय गरेको हो । आइपीएल इतिहासमा दुवै टोलीले समान ३/३ पटक फाइनल खेलेका छन् । दुवै टोली समान दुई पटक च्याम्पियन भएका छन् । कोलकाता २०१४ मा पछिल्लो पटक च्याम्पियन हुँदा २०१६ मा हैदराबाद च्याम्पियन भएको थियो ।
