वीरगंज । वीरगंज महानगरपालिका वडा नं.१५ लक्षुमनवामा गए राती आएको हावाहुरीले घरको छाना टाउँकोमा खस्दा एक वालक गम्भीर घाइते भएका छन् । घाइते हुनेमा वीरगंज महानगरपालिका वडा नं. १५ निवासी बिष्णु यादवको ७ बर्षिय छोरा नितेश यादव रहेका छन् ।
बुधवार राती घरमै सुती रहेको वेला स्थानिय हरिशंकर प्रसाद कुर्मीको घरमा कमसल रुमा बनाइएको सिढीघर एवं भन्सा कोठा भत्केर जस्तापाता लगाएताका समाग्री सहित यादव सुती रहेको घरको ओछयानमै खसेको थियो । आल्वेस्टरले छानो बनाइएको घरमा कुर्मीको घर माथीको सबै समाग्रीहरु छानो तोडदै ओछयानमा खसेको घाइते यादवका बुवा बिष्णु यादवले बताए । उनले छोराको टाउँकोमा गम्भीर चोट लागेको एवं बाराको परवानीपुर गाउपालिका वडा नं.५ नौतनस्थित एलएस न्युरो हस्पिटलमा उपचार भइरहेको बताए ।
हवाहुरीले आफ्नो परिवार सडकमा आएको एवं छोरा मृत्युसँग लडी रहेको बताउँदै यादवले सहयोगका लागि सबैलाई अनुरोध गरेका छन् । घाइते वालकको अवस्था गम्भीर रहेको एवं अप्रेसन गर्ने तयारी भइरहेको एलएस न्युरो अस्पताल प्रशासनले जनाएको छ ।
