विरगंज । पर्साको सखुवा प्रसौनी गाउँपालिकाको १३ औं गाँउ सभा सम्पन्न भएको छ । गाउँ सभाबाट पालिकाले चालु आर्थिक वर्ष २०८१ /८२ का लागि ५८ करोड २९ लाख रुपैयाँको बजेट सार्वजनिक गरेको हो । सोमबार आयोजित गाँउ सभामा पालिकाका उपाध्यक्ष सर्मिला विष्ट महतोले चालु आर्थिक वर्षका लागि ५८ करोड २६ लाख ५७ हजार ४५६ रुपैयाको बजेट सार्वजनिक गरेका हुन ।
कार्यक्रममा गाँउपालिका अध्यक्ष यशवन्त यादवले चालु आर्थिक वर्षको बजेटमा पालिकाको महत्वपूर्ण कामहरुलाई प्राथमिकतामा राखेर अगाडी बढने बताए । यस वर्षको बजेटले शिक्षा, स्वास्थ्य, खेलकुद, कृषि , रोजगारी लगाएतका विषयमा केन्द्रित रहेको यसको साथै दलित , पिछडा वर्ग , शिक्षाबाट वञ्चित रहेका बालबालिकाहरूलाई शिक्षा प्रदान गर्ने, सिपमुलक तालिम प्रदान गर्ने लगायतका जनमुखी कार्यक्रम ल्याईएको बताए । आन्तरिक श्रोत बढाउने लगायतका कार्यक्रममा आफु अग्रसर रहेको गाँउपालिका अध्यक्ष यशवन्त यादवले बताए ।
सखुवा प्रसौनी गाउँपालिकाका अध्यक्ष यशवन्त यादव अध्यक्षतामा सम्पन्न गाँउ सभामा वडाअध्यक्षहरु वासुदेव महतो, मोजामिल अन्सारी, असेश्वर यादवका साथै वडा सदस्य, कार्यपालिका सदस्य, पालिकाका सम्पूर्ण कर्मचारी , सुरक्षाकर्मी, संचारकर्मी लगायत स्थानीयहरुकोे सहभागीता रहेको थियो ।
