वीरगंज – पर्साका बहुदरमाई नगरपलिकाका एकजना युवक लागुऔषध चरेशसहित बारामा पक्राउ परेका छन । पक्राउ पर्नेमा बहुदरमाइ नगरपालिका वडा नम्बर ६ गम्हरियाका ३२ बर्षीय युवक सरोज प्रसाद साह रहेका बारा प्रहरीले जनाएको छ ।
हेटौडाबाट वीरगंजतर्फ आउदै गरेको प्र.२-०३-००९ प ३८७८ नम्बरको मोटरसाईकललाई जितपुर सिमरा उपमहानगरपालिका वडा नम्बर २१ अमलेखगन्जमा रोकेर चेकजाँच गर्दा लागुऔषध चरेश २ किलो ९९ ग्राम फेला परेकोले पक्राउ गरिएको हो ।
पक्राउ परेका साहलाई प्रहरीको हिरासतमा राखेर आवश्यक अनुसन्धान भईरहेको छ ।
