रौतहटको गुजरा नगरपालिका–२ निवासी ५५ वर्षीय गोपालबहादुर थिङलाई प्रहरीले गाँजासहित नियन्त्रणमा लिएको छ ।
जिल्ला प्रहरी प्रमुख एसपी नेत्रमणि गिरीका अनुसार थिङले आफ्नै घरमा गाँजा खरिद–बिक्री गर्दै आएको भन्ने गोप्य सूचनाका आधारमा प्रहरी चौकी रंगपुर र इलाका प्रहरी कार्यालय चन्द्रनिगाहपुरबाट खटिएको संयुक्त टोलीले खानतलासी गर्दा करिब साढे ३ किलो गाँजा बरामद भएको हो ।
त्यसैगरी प्रहरीले घरभित्रबाट ७८ हजार नेपाली रुपैयाँ र ६ सय १० भारतीय रुपैयाँ पनि फेला पारेको छ । पक्राउ परेका थिङलाई इलाका प्रहरी कार्यालय चन्द्रनिगाहपुरमा राखी थप अनुसन्धान भइरहेको प्रहरीले जनाएको छ ।
