नवनियुक्त प्रधानमन्त्री सुशीला कार्की नियमित आँखा जाँचका लागि आज तिलगङ्गा नेत्र अस्पताल पुग्नुभयो । प्रधानमन्त्रीको सचिवालयका अनुसार उहाँले तीन महिनाअघि गरिएको मोतिबिन्दु शल्यक्रियापछि नियमित परीक्षण गराउन अस्पतालमा जानुभएको हो ।
वरिष्ठ नेत्र विशेषज्ञ डा. सन्दुक रुइतले प्रधानमन्त्री कार्कीको आँखा परीक्षण गर्नुभएको अस्पताल व्यवस्थापनले जनाएको छ ।
यसैबीच डा. रुइतले आफू उपचारलाई नै प्राथमिकता दिने र मन्त्री बन्ने होडमा नरहेको स्पष्ट पार्नुभएको छ ।
