इलाका प्रहरी कार्यालय चन्द्रनिगाहपुर, रौतहटले आइतबार साँझ ट्रामाडोलसहित दुई जनालाई नियन्त्रणमा लिएको छ।
प्रहरी नायब उपरीक्षक रुपा लाबुङ्गका अनुसार, रौतहट चन्द्रपुर नगरपालिका–४ स्थित पूर्व–पश्चिम लोकमार्गमा खटिएको ट्राफिक चेकपइन्टमा चेकजाचको क्रममा पश्चिमबाट पूर्वतर्फ आउँदै गरेको म.प्र. ०३२ ०२५ प ९७२१ नं.को स्कुटरबाट १३० पिस ट्रामाडोलसहित हेमबहादुर वाइवाका २७ वर्षीय छोरा बुद्धसिंह वाइवा र सर्लाही हरिवन नगरपालिका–३ का २४ वर्षीय शरिन योञ्जनलाई पक्राउ गरिएको हो।
पक्राउ परेका दुवै जना स्कुटरको हेन्डलमा रेनकोटको झोलामा ट्रामाडोल लुकाइ ल्याउँदै गरेको अवस्थामा फेला परेका थिए। इलाका प्रहरी कार्यालयले दुवै जनामाथि आवश्यक अनुसन्धान भइरहेको जनाएको छ।
