पर्सा प्रहरीले लागुऔषध गाँजासहित रामेछाप जिल्ला खाँडादेवी गाउँपालिका वडा नम्बर १ का २८ वर्षीय शुभराज श्रेष्ठलाई पक्राउ गरेको छ।
जिल्ला प्रहरी कार्यालय पर्साका अनुसार अलौबाट कोनियातर्फ जाँदै गरेको बा २१ च ७८५५ नम्बरको पिकअप गाडीलाई रोकेर चेकजाँच गर्दा गाडी भित्र परालले छोपेर राखिएको १२ वटा पोका गाँजासहित १७६ किलो गाँजा फेला परेको हो।
जिल्ला प्रहरी कार्यालय पर्साका निमित्त सूचना अधिकारी प्रहरी निरीक्षक अमृत बहादुर बस्नेतका अनुसार पक्राउ परेका श्रेष्ठमाथि आवश्यक अनुसन्धान जारी रहेको पर्सा प्रहरीले जनाएको छ।
