Aadarsh-Daily

संघीय संसद्का दुवै सदनको बैठक आज, अध्यादेशदेखि उपाध्यक्ष चयनसम्मका एजेण्डा

ad-4p

काठमाडौँ — संघीय संसद्का दुवै सदनको बैठक आज बस्दैछ । प्रतिनिधिसभाको बैठक दिउँसो १ बजे बस्नेछ भने राष्ट्रियसभाको बैठक अपराह्न १२:१५ बजे सिंहदरबारमा बोलाइएको छ ।

content ad p2

प्रतिनिधिसभा बैठकमा तीन वटा अध्यादेश स्वीकृत गरियोस् भन्ने प्रस्ताव प्रस्तुत गर्ने कार्यसूची रहेको छ । संघीय संसद् सचिवालयका महासचिव पद्मप्रसाद पाण्डेय का अनुसार गृहमन्त्री सुधन गुरुङ ले ‘मतदाता नामावली (पहिलो संशोधन) अध्यादेश, २०८२’, ‘प्रतिनिधिसभा सदस्य निर्वाचन (पहिलो संशोधन) अध्यादेश, २०८२’ र ‘नेपाल विशेष सेवा (दोस्रो संशोधन) अध्यादेश, २०८२’ स्वीकृत गरियोस् भन्ने प्रस्ताव पेश गर्ने सम्भावित कार्यसूची छ ।

content left

त्यसैगरी, राष्ट्रियसभा बैठकमा प्रेमप्रसाद दंगाल ले लिलाकुमारी भण्डारी लाई राष्ट्रियसभाको उपाध्यक्ष पदमा निर्वाचित गरियोस् भन्ने प्रस्ताव प्रस्तुत गर्ने छन् ।

बैठकमा प्रधानमन्त्री बालेन्द्र शाह ले राष्ट्रिय मानवअधिकार आयोगको आर्थिक वर्ष २०८०/०८१ को २४औँ वार्षिक प्रतिवेदन पनि सभासमक्ष पेश गर्ने सम्भावित कार्यसूची रहेको छ ।

आजको बैठकले महत्वपूर्ण विधेयक तथा संसदीय प्रक्रियामा प्रभाव पार्ने अपेक्षा गरिएको छ ।

सम्बन्धित खबर

पोखरिया नगरपालिकामा तलबको सकस, महिनौँदेखि कर्मचारीको हात रित्तै

Aadarsh Daily

एनपीएलमा लुम्बिनीको धमाका, सुदूरपश्चिम ७ विकेटले पराजित

Aadarsh Daily

एनपीएलको तेस्रो संस्करण आजदेखि, उपाधिका लागि आठ टोली मैदानमा उत्रिँदै

Aadarsh Daily