वीरगंज-पर्साको पटेर्वा सुगौली गाउँपालिकामा आगलागी हुदा ६ लाख बराबरको क्षति भएको प्रहरीले जनाएको छ । पटेर्वा सुगौली गाउँपालिका वडा नम्बर ३ देकुली निवासी बृजलाल दास थारुको गोठघरमा आगलागी हुदा गोठघरमा रहेको सर(समान जलेर नष्ट हुनुको साथै २ वटा भैसी जलेर घाईते हुदा ६ लाख बराबरको क्षति हो ।
प्रहरी चौकी रंगपुरटाडीका प्रहरी सहायक निरीक्षक सर्फलाल यादवले दिनुभएको जानकारी अनुसार लामखुट्टे धपाउनको लागी बालिएको घुरबाट आगो सल्किएर गोठघरमा आगलागी भएको हो । शनिबार मध्यराति १२ बजे आलेगेको आगो स्थानीय बासि र प्रहरीको सहयोगमा आईतबार बिहान २ बजे नियन्त्रणमा लिएको प्रहरी चौकी रंगपुरटाडीका प्रहरी सहायक निरीक्षक यादवले जानकारी दिनुभयो । आगलागीमा मानबिय क्षति नभएको प्रहरीले जनाएको छ ।
